Rusiyadan Çinə qarğıdalı, düyü, soya və kolza daşınması üçün fitosanitar tələblərə dair Protokola düzəlişlər edən bu yaxınlarda imzalanmış Əlavədə qeyd edildiyi kimi, Rusiya Federasiyasının bütün regionları Çinə qarğıdalı və düyü ixrac etmək imkanı əldə edəcəklər.

Fins.az xəbər verir ki, bu barədə dekabrın 19-da Rosselxoznadzorun mətbuat xidməti məlumat yayıb.

"İmzalanmış sənəd Rusiya müəssisələrinə Rusiyanın bütün regionlarından qarğıdalı və düyü tədarükünə başlamaq hüququ verir", - məlumatda deyilir.
İndiyədək Çinə qarğıdalı və düyü tədarükü variantı Amur vilayəti və Yəhudi Muxtar Vilayəti ilə yanaşı Primorsk, Zabaykalsk və Xabarovsk diyarları ilə məhdudlaşırdı. Eyni zamanda, bu taxılların istehsalının əsas bölgələri Rusiya Federasiyasının Avropa hissəsində yerləşir.

Günel Məlikzadə
Fins.az