Rusiya Federasiyasında cari ildə qış bitkilərinin vəziyyəti son beş ilin orta göstəricisindən xeyli yaxşıdır. 

Fins.az xəbər verir ki, bunu dekabrın 6-da Moskvada keçirdiyi mətbuat konfransında Hidrometeorologiya Mərkəzinin rəhbəri Roman Vilfand bildirib.

"Vəziyyət kifayət qədər əlverişlidir. Son 5 ildə orta hesabla çox pis məhsul olan (sökülməmiş və seyrəkləşməyən) sahə əkin sahəsinin 8 faizini təşkil edirdisə, bu il 4 faizdir", - deyib.
Onun sözlərinə görə, 2023-cü ildə Şimal-Qərb, Mərkəzi, Volqa Federal Dairələrində torpaqda nəmlik ehtiyatı çox yaxşı olub.

Qeyd edək ki, regional aqrar-sənaye kompleksi idarəetmə orqanlarının son məlumatına görə, noyabrın 24-də Rusiyada bir il əvvəlki 17,7 milyon hektarla müqayisədə 18,9 milyon hektarda payızlıq bitkilər əkilib.

Günel Məlikzadə
Fins.az