Ukrayna prezidenti Vladimir Zelensk noyabrın 25-də bildirib ki, Ukrayna öz tərəfdaşları ilə “taxıl dəhlizi”nin gəmilərini müşayiət edəcək gəmiləri qəbul etməyə razılaşıb.

Fins.az xarici KİV-ə istinadən xəbər verir ki, bunu Zelenski “Ukraynadan taxıl” konfransında bildirib  .
Prezident vurğulayıb ki, Rusiya Federasiyasının iştirakı olmadan “taxıl dəhlizi”nin yaradılması Ukraynanın bu il əldə etdiyi ən böyük nailiyyətlərdən biridir. Hazırda bu marşrutla hərəkət edən gəmilərin təhlükəsizliyinin təmin edilməsi istiqamətində işlər aparılır.

“Biz tərəfdaşlarımızla razılaşdıq və onların təhlükəsizliyini təmin etmək üçün gəmiləri dənizdə müşayiət edəcəyik. Artıq gəmilərin qəbulu ilə bağlı konkret müqavilələrimiz var. Bu, yaxın gələcəyin işidir”, - deyə Zelenski bildirib.

O, əlavə edib ki, Odessa mühafizə üçün əlavə zenit sistemləri də alacaq, Ukraynanın tərəfdaşları artıq müvafiq sorğu alıblar. Zelenskinin sözlərinə görə, bu, artıq razılaşdırılıb.

Günel Məlikzadə
Fins.az