2023-cü ildə sitrus mövsümü bayram təqvimlərinin dəyişməsi ilə əlaqədar daha tez başlayacaq.

Fins.az xəbər verir ki, bu barədə “Şüvar” kənd təsərrüfatı məhsullarının topdansatış bazarının məlumatında deyilir. 

“Şüvar”ın marketinq şöbəsinin müdiri Tetiana Popoviçin qeyd etdiyi kimi, bu gün Afrika, İtaliya, İspaniya və Türkiyədən portağal və naringilər satışdadır. Yaxın vaxtlarda Yunanıstandan da göndərişlər gözlənilir.  

“Orta qiymət diapazonu 45-100 UAH/kq təşkil edir. Qeyd edək ki, bu qiymət ötən illə müqayisədə cəmi 4% bahadır. Sitrus mövsümü rəsmi olaraq dekabrda açılır, lakin bu ilin özəlliyi ondadır ki, “Şüvar” bazarının sahibkarları hələ iyul ayından fəal şəkildə Yunan mandarinlərini idxal etməyə başlayıblar. Lakin, keçən il iyul ayında mandarin idxal edilməyib. Belə bir fenomen istehlakçıların üstünlüklərinin dəyişməsi ilə izah olunur”, - deyə mütəxəssis əlavə edib.

Qiymət kalibrdən və mənşə ölkəsindən asılıdır. Bir qayda olaraq, ən bahalı seqment İtaliya, İspaniya və Yunanıstandır, türk sitrus meyvələri isə daha ucuzdur.

“Sitrus meyvələrinin qiymətinə mövsümün müddəti də təsir edir - onlar, bir qayda olaraq, Nikolay bayramına 10-14 gün qalmış və tədarükün hələ də az olduğu mövsümün əvvəlində bahalı olur. Dekabrın 6-dan sonra sitrus meyvələrinin qiyməti 5-10% ucuzlaşa bilər”, - ekspert proqnozlaşdırır.

Günel Məlikzadə
Fins.az