Birləşmiş Millətlər Təşkilatı (BMT) Qara dəniz taxıl dəhlizi razılaşmasının uzadılması üçün təmasların davam etdiyini açıqlayıb.

Fins.az "Bloomberg"ə istinadən xəbər verir ki, BMT iyulun 17-də başa çatacaq Qara dəniz taxıl dəhlizi sazişinin müddətinin uzadılması ilə bağlı danışıqların davam etdiyini bildirib.

“Biz sazişin tam yerinə yetirilməsi və uzadılması üçün əlimizdən gələni edirik”- deyə BMT-nin sözçüsü Stefan Dujarrik razılaşmanın qlobal aclıqla mübarizə üçün vacib olduğunu vurğulayıb.

Daha əvvəl bir neçə dəfə uzadılan müqavilənin müddəti iyulun 17-də başa çatacaq. Rusiya rəsmiləri sazişin uzadılması üçün heç bir imkan görmədiklərini bildiriblər.

Zəminə Hüseyn
Fins.az