2021-ci ilin yanvar-may aylarında istehlak qiymətləri indeksi 2020-ci ilin müvafiq dövrünə nisbətən 104,2 faiz təşkil edib.

Ölkədə istehlak səbətinə daxil olan məhsul və xidmətlərin dəyəri ötən ilin eyni dövrü ilə müqayisədə 4,2 faiz artıb.

İstehlak qiymətləri indeksi ərzaq məhsulları, içkilər və tütün məmulatları üzrə 104,8 faiz, qeyri-ərzaq məhsulları üzrə 103,8 faiz, əhaliyə göstərilmiş ödənişli xidmətlər üzrə 103,4 faiz təşkil edib.

Cari ilin may ayında istehlak qiymətləri indeksi əvvəlki aya nisbətən 100 faiz, əvvəlki ilin may ayına nisbətən 104,9 faiz olub.

© Oxu