Ağsuda cari ilin ilk üç ayında 121 yeni iş yeri açılıb.

Rayon statistika idarəsindən bildirilib ki, yeni açılan iş yerlərinin hamısı daimidir. Daimi iş yerlərinin 1-i mövcud idarə və müəssisələrdə, 120-si isə fərdi sahibkarlıq subyektlərindədir.

Qeyd edək ki, regionların sosial-iqtisadi inkişafına göstərilən dövlət dəstəyi, iqtisadiyyatın şaxələndirilməsi, sahibkarlar üçün yaradılan əlverişli şərait Ağsu rayonunda da yeni iş yerlərinin açılmasına, əhalinin məşğulluğunun artmasına imkan verir.