2019-cu ildə Azərbaycan kartof ixracını 7,2% azaldıb, idxalını isə 26,7% artırıb. Bu barədə hökumətdən məlumat verilib.

2019-cu ildə Azərbaycan 26 milyon 852 min dollar dəyərində (azalma 9,4%) 61 min 785 ton (azalma 7,2%) kartof ixrac edib.

İxracın əsas həcmi Rusiyanın payına düşüb. Ötən il bu ölkəyə 25,1 milyon dollar dəyərində (azalma 13,1%) 55 min 843 ton kartof (azalma 13,3%) ixrac edilib. Hesabat dövründə Azərbaycandan kartof ixracının 90,4%-i RF-nin payına düşüb.

2019-cu ildə Azərbaycana 51 milyon 815 min dollar dəyərində (artım 34%) 193 min 16 ton kartof (artım 26,7%) idxal edilib.

Azərbaycana kartofun əsas tədarükçüləri Rusiya, İran və Pakistan olub. Rusiya 124 min 443 ton (33 milyon 660 min dollar), İran 54 min 197  ton (13 milyon 217 min dollar), Pakistan isə 8 min 352 ton (2,5 milyon dollar) kartof tədarük edib.

2018-ci ildə Azərbaycan 29 milyon 627 min dollar dəyərində 66 min 563 ton kartof ixrac etmişdi.

© “İnterfaks-Azərbaycan”