Azərbaycan Prezidenti İlham Əliyev idmançıların və idman mütəxəssislərinin təltif edilməsi haqqında Sərəncam imzalayıb.

Finss.az xəbər verir ki, dövlət başçısının imzaladığı Sərəncama əsasən, ölkədə idmanın inkişafında və beynəlxalq arenada Azərbaycanın idman nüfuzunun yüksəldilməsində xidmətləri olan bir sıra tanınmış idmançı və mütəxəssislər yüksək dövlət təltiflərinə layiq görülüblər.

Təltif olunanlar sırasında dünya və Avropa çempionu Eduard Məmmədov, şahmatçı İlahə Qədimova, cüdo üzrə Olimpiya mükafatçısı Mövlud Mirəliyev və alpinist Vəfa Musayeva da yer alıb.

Sərəncama əsasən, Eduard Məmmədov və Vəfa Musayeva “Tərəqqi” medalı ilə, İlahə Qədimova və Mövlud Mirəliyev isə “Əməkdar bədən tərbiyəsi və idman xadimi” fəxri adı ilə təltif olunublar.

Fuad Mədətov
Finss.az