Finss.az - Uruqvaylı hücumçu Darvin Nunes karyerasını İtaliyanın “Napoli” klubunda davam etdirəcək.

Bu barədə məşhur insayder Nikolo Şkira məlumat yayıb.

Məlumata görə, tərəflər artıq razılığa gəliblər və yaxın günlərdə uruqvaylı forvardla 2030-cu ilin yayına qədər, illik 5 milyon avro maaşla müqavilə imzalanacaq.

Ötən mövsüm Premyer Liqada 30 oyunda iştirak edən Darvin Nunes 5 qol vurub və 2 məhsuldar ötürmə edib. Yeni mövsümdə onun “Napoli”nin hücum xəttinə güclü töhfə verməsi gözlənilir.