Finss.az - Azərbaycanda ilk dəfə keçiriləcək 3x3 basketbol üzrə Dünya Kubokunun seçmə mərhələsində iştirak edəcək komandalar müəyyənləşib.

Azərbaycan Basketbol Federasiyasının məlumatına görə, kişilərdən ibarət millimizlə yanaşı, Monteneqro, Kanada, Böyük Britaniya, Ruanda və İran yığmaları mübarizə aparacaq.

Qadınlar arasında isə Azərbaycan, Çili, Latviya, Çin Taypeyi, Braziliya və Misir komandaları iştirak edəcək.

Qarşılaşmalar mayın 24-25-də Bakıda keçiriləcək. Hər iki kateqoriyada seçmə mərhələnin ən yaxşı 3 komandası Dünya Kubokunun əsas mərhələsinə vəsiqə qazanacaq.

Zemfira Ms
Finss.az