Argentina yığmasının futbolçusu Lionel Messi milli komandalar tarixində assist rekordunu təkrarlayıb.

Finss.az xəbər verir ki, 37 yaşlı hücumçu buna DÇ-2026-nın seçmə mərhələsində, evdə Peru millisinə qarşı matçda nail olub.

Bu qarşılaşmada məhsuldar ötürmə ilə yadda qalan forvard assistlərinin sayını 58-ə çatdırıb.

O, bu göstəricidə indiyədək lider olan ABŞ millisinin əfsanəvi oyunçusu Lendon Donovana çatıb.

Qeyd edək ki, Argentina Perunu 1:0 hesabı ilə məğlub edib. Son dünya çempionu 25 xalla liderdir, qonaqlar 7 xalla sonuncu - 10-cu sıradadır.

Kaira Agayeva 

Finss.az