“Azərbaycan millisinə inamım böyükdür”.

Finss.az xəbər verir ki, Azərbaycan yığmasının UEFA Millətlər Liqasının C Divizionunda səfərdə İsveç komandasına qarşı keçirəcəyi oyundan danışan funksioner şansları dəyərləndirib. 

Milli ilə səfərə yollanan Olimpiya çempionu komandada ab-havanın yaxşı olduğunu bildirib: “Sadəcə, futbolçular Qəbələdə Estoniya ilə oyunda qələbə qazanmadıqlarına görə təəssüflənirlər. Həmin görüşdə yaxşı şanlarımız var idi. Əhvali-ruhiyyənin daha da yaxşı olması üçün İsveçi məğlub etməliyik. Çəkinmədən mübarizə aparmalıyıq. Əzmkarlıq önəmli rol oynayacaq. Futbolçular bunu yaxşı anlayırlar. Rəqibin baş məşqçisi fərqli taktikalara sahib mütəxəssisdir. İndiki komanda əks-hücumlarda daha təhlükəli olur. Ümid edirəm ki, futbolçularımız meydanda əllərindən gələni edəcəklər”.

Qeyd edək ki, bu gün “Strouberri Arena”da keçiriləcək İsveç-Azərbaycan oyunu Bakı vaxtı ilə saat 23:45-də başlayacaq.

Kaira Agayeva 

Finss.az