Lionel Messi zədələndiyi Amerika Kubokunun finalından sonra oyuna çıxmayıb. Argentina millisinin kapitanı Messi, 2026-cı il Dünya Çempionatının seçmə mərhələsi çərçivəsində sentyabrın 5-də Çili və sentyabrın 10-da Kolumbiya ilə keçiriləcək oyunları buraxacaq.

Finss.az xəbər verir ki, Argentina millisi altı turda 15 xal toplayaraq Cənubi Amerikadakı seçmə turnirdə liderdir. Messi sonuncu dəfə iyulun 15-də Amerika Kubokunun finalında Kolumbiyaya qarşı oynayıb və zədələnib.

37 yaşlı Messi 2023-cü ilin yayından etibarən "İnter Mayami"də klub səviyyəsində çıxış edir. O, səkkiz dəfə “Qızıl Top” mükafatını qazanmış, dünya çempionu və iki dəfə Amerika Kubokunun qalibi olub.

Kaira Agayeva 

Finss.az