Azərbaycanın UEFA Avropa Liqasındakı təmsilçisi “Zirə” bu gün I təsnifat mərhələsində cavab oyununa çıxacaq. Komanda Bakıda Moldovanın “Şerif” kollektivini qəbul edəcək.

“Dalğa Arena”da keçiriləcək görüş saat 20:00-da başlayacaq. Qazaxıstandan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.

Qeyd edək ki, komandalar arasında Tiraspolda keçirilən ilk matçda “Zirə” 1:0 hesablı qələbə qazanıb.

18 iyul

“Zirə” – “Şerif”

Dalğa Arena. Saat 20:00

Baş hakim: Bulat Sariyev

Baş hakimin köməkçiləri: Denis Labaşov, Yuri Tixonyuk

Dördüncü hakim: Aidin Tassibayev

(Hakimlər briqadası Qazaxıstandandır)

VAR hakimləri: Sören Storks, Yohann Pfeifer (Almaniya)