Türkiyə Futbol Federasiyası (TFF) MHK-nın VAR-dan məsul sədr müavini Tolqa Özkalfanın tutduğu vəzifədən istefa verdiyini açıqlayıb. Özkalfanın yerinə Cem Satman təyin edilib.

Fins.az xəbər verir ki, 1976-cı ildə Ankarada anadan olan Cem Satman Ankara Dəmirspor infrastrukturunda futbol oynayıb. Ankara Universitetində Bədən Tərbiyəsi və İdman ixtisası üzrə bakalavr dərəcəsini, Ankara Universitetinin Təhsil Elmləri Fakültəsində Təhsil Psixologiyası üzrə magistr və doktorantura, İngiltərədə dil təhsili alıb.

14 ildir Bədən Tərbiyəsi Müəllimi olan Dr. Cem Satman Super Liqa və FİFA referi köməkçisi vəzifələrində çalışıb. Futbol hakimliyi, təhsil və təhsil psixologiyası sahələrində tərcümə və əsərlər və elmi məqalələr müəllifi olan Dr. Cem Satman eyni zamanda TFF-də çalışan UEFA Fitness Direktoru Verner Helsenin fitness komandasının üzvüdür. Satman ailəlidir və bir övladı var.

Günel Məlikzadə
Fins.az