NBA-nın Qərb Konfransında sonuncu yerdə olan "San Antonio Spurs" səfərdə "Toronto Raptors"u darmadağın edib.

Fins.az xəbər verir ki, rəqibini 122-99 hesabı ilə məğlub edən "Spurs" bu mövsüm 11-ci qələbəsini qazanıb.

"San Antonio Spurs"un yeniyetmə oyunçusu Viktor Vembanyama "Toronto Raptors"u məğlub etdikləri matçda 27 xal, 14 ribaund və 10 blokla "triple-dobl" etdi.

Wembanyama, Atlanta Hawks üçün Minnesota Timberwolves-a qarşı 13 xal, 19 ribaund və 10 blokla oynayan Clint Capela-dan sonra təxminən 3 il ərzində blokla "triple-dobl" vuran ilk oyunçu oldu. Hakeem Olajuwon 11 dəfə NBA tarixində bu statistikaya ən çox çatan basketbolçu olmağı bacardı.

Victor Wembenyama Toronto Raptors-a qarşı göstərdiyi performansla yeni bir çığır açdı.

Gənc oyunçu 1990-cı ildən bəri bir matçda blokla tripl-dabl edən ilk yeniyetmə oyunçu oldu.

Nəhayət, San Antonio Spurs-un əfsanələrindən olan David Robinson 24 xal, 12 ribaund və 12 blokla bu uğura imza atıb.

Qərb konfransında sonuncu pillədə qərarlaşan "Spurs"un 11-ci qələbəsini qazandığı matçda Devin Vassel 25, Ceremi Soçan isə 16 xal toplayıb.

Milli basketbolçu Cedi Osman matçı 5 xal, 3 ribaund, 2 asist və 2 top çalma ilə tamamlayıb.

Qreydi Dikin 18, Kelli Olinikin 17 xalı ev sahibi Raptors-un mövsümdə 35-ci məğlubiyyətinin qarşısını ala bilmədi.

Günel Məlikzadə
Fins.az