Sarı-göylü klubdan  “Ailəmizə xoş gəldin, Çağlar Söyüncü” başlığı ilə verilən açıqlamada milli futbolçunun transferi üçün Madrid “Atletiko”su ilə razılığa gəlindiyi bildirilib.

Fins.az xəbər verir ki, "Klubumuz müdafiəçi Çağlar Söyüncünün icarə transferi üçün Atletico Madrid və özü ilə razılığa gəldi. Milli oyunçu 2023-24 mövsümünün sonuna qədər "Fənərbaxça" formasını geyinəcək" bəyanatlar daxil edilib.

"Fənərbağça"nın saytına açıqlama verən Çağlar Söyüncü bu transferdən məmnun olduğunu bildirib.

Çağlar Söyüncü açıqlamasında "Burada olduğum üçün xoşbəxt və həyəcanlıyam. Ən qısa zamanda komandaya qoşulmaq, komandaya və cəmiyyətimə kömək etmək üçün əlimdən gələni etmək istəyirəm. Məqsədlərim həm klubumuz, həm də mənim üçün çempionluqlar və kuboklar qazanmaqdır. Məni bura gətirən də bu oldu. Bizim yaxşı komandamız var. Mən onlara qoşulmağı səbirsizliklə gözləyirəm. Bu, Super Liqada ilk təcrübəm olacaq. Mən də buna görə həyəcanlıyam" dedi.

Çağlar Söyüncü "Fənərbağça"da 2 nömrəli formanı geyinəcək. 

Futbolçu karyerasına Altınorduda başlayan Çağlar Söyüncü daha sonra "Frayburq", "Lester Siti" və "Atletiko Madrid"də çıxış edib.

"Altınordu" ilə 1-ci Liqada çıxış edən milli futbolçu "Fənərbaxça"ya keçdikdən sonra ilk dəfə Super Liqada çıxış edəcək.

Çağlar Söyüncü bu mövsüm "Atletiko Madrid"də 9 matçda forma geyinib.

Günel Məlikzadə
Fins.az