Dağlıq Qarabağda baş verən hadisələr UEFA Millətlər Liqasının təqviminə təsir etməyəcək.

Fins.az-ın məlumatına görə, bunu qitə futbol qurumu Rusiyanın news.ru saytının sorğusuna əsasən açıqlayıb.

UEFA-dan bildirilib ki, hərbi vəziyyətə baxmayaraq Azərbaycan və Ermənistan yığmalarının oktyabr ayında keçiriləcək görüşlərinin öncədən planlaşdırıldığı şəkildə təşkil olunacaq: “UEFA vəziyyəti diqqətlə izləyir və qarşıdakı bütün oyunların təqvimə uyğun keçirilməsi planlaşdırılır”.

Qeyd edək ki, Azərbaycan millisi Bakıda növbəti ev oyununu oktyabrın 13-də Kiprə qarşı keçirəcək. Ermənistan isə bundan iki gün əvvəl Gürcüstanı qəbul edəcək.