UEFA Azərbaycan millisinin sentyabrdan mübarizəyə başlayacağı Millətlər Liqasının ləğvi barədə qərar qəbul edə bilər.

Fins.az xəbər verir ki, bu gün milli assosiasiyaların baş katiblərinin iştirakı ilə videokonfrans keçiriləcək.

AFFA-nı bu virtual tədbirdə qurumun icraçı vitse-prezidenti Elxan Məmmədov təmsil edəcək.

Həmçinin, bu videokonfransda oktyabrdan start götürməsi planlaşdırılmış 19 yaşadək yığmaların Avropa çempionatının seçmə mərhələsinin ləğvi də müzakirə olunacaq.

Ləğvə səbəb isə oyun qrafikinin sıxlığı, COVID-19-la bağlı bəzi ölkələrdə vəziyyətin pisləşməsidir.

Qeyd edək ki, Azərbaycan millisi Millətlər Liqasının C divizionunun I qrupunda Monteneqro, Kipr və Lüksemburqla mübarizə aparmalıdır. Millimiz ilk oyununu sentyabrın 5-də Bakı Olimpiya Stadionunda Lüksemburqla keçirməlidir.