Çempionlar Liqasının 1/8 final mərhələsinin ilk oyunları çərçivəsində bu gün keçiriləcək Lyon (Fransa) – Juventus (İtaliya) və Real Madrid (İspaniya) – Manchester City (İngiltərə) matçlarının təyinatları məlum olub.

Fins.az xəbər verir ki, bu barədə UEFA-nın rəsmi saytı məlumat yayıb.

Madriddə, Santyaqo Bernabeu stadionunda keçiriləcək Real Madrid – Manchester City matçını İtaliyadan olan hakimlər briqadası idarə edəcək. Görüşün baş hakimi Daniel Orsato olacaq. Ona Lorenso Manqanelli və Alessandro Qallatini kömək edəcək. Dördüncü hakim funksiyasını Daniele Doveri yerinə yetirəcək. VAR hakimləri isə Massimiliano İrrati və Çiro Karbone olacaq.

Fransada keçiriləcək Lyon – Juventus matçını İspaniyadan olan hakimlər briqadası idarə edəcək. Görüşün baş hakimi Xesus Gil Mansano olacaq. Ona Dieqo Barbero və Anxel Nevado kömək edəcək. Dördüncü hakim funksiyasını Gilerme Kuadra Fernandes yerinə yetirəcək. VAR hakimləri Xuan Martines Munuera və Rikardo de Burqos olacaq.

Hər iki görüş bu gün, saat 00:00-da start götürəcək.