İngiltərə Premyer Liqasında XIX tur başlayıb.

Fins.az-ın məlumatına görə, ilk oyun günündə 9 qarşılaşma baş tutub.

Çempionlar Liqasına vəsiqə üçün mübarizə aparan “Çelsi” “Sauthempton”la ev oyununda gözlənilməz məğlubiyyət alıb. “Şeffild Yunayted” “Uotford”la görüşdə xal itirib.

Bundan yararlanan “Tottenhem” “Brayton”, “Mançester Yunayted” isə “Nyukasl” üzərində qələbəyə sevinib.

“Arsenal” “Bornmut”la səfər qarşılaşmasında xal itkisindən qaça bilməyib. “Everton” “Bernli”ni bir qolla yenib.

Günə liderlərin dueli ilə yekun vurulub. Bu turadək məğlubiyətsiz irəliləyən “Liverpul” ən yaxın izləyicisi “Lester”in qonağı olub. Yurgen Kloppun yetirmələri bu qarşılaşmada da qalib gələrək, izləyicisi ilə xal fərqini 13-ə çatdırıb.

Qeyd edək ki, tura sabah keçiriləcək “Vulverhempton” – “Mançester Siti” oyunu ilə yekun vurulacaq.

İngiltərə Premyer Liqası
XIX tur
26 dekabr

“Tottenhem” – “Brayton” – 2:1
Keyn, 53, Alli, 72 – Vebster, 37
“Bornmut” – “Arsenal” – 1:1
Qoslinq, 35 – Obameyanq, 63
“Aston Villa” – “Norviç” – 1:0
Huriheyn, 64
“Çelsi” – “Sauthempton” – 0:2
Obafemi, 31, Redmond, 73
“Kristal Pelas” – “Vest Hem” – 2:1
Kuyate, 68, Ayyu, 90 – Snodqrass, 58
“Everton” – “Bernli” – 1:0
Kalvert-Levin, 80
“Şeffild Yunayted” – “Uotford” – 1:1
Norvud, 36 (pen.) – Daulofeu, 27
“Mançester Yunayted” – “Nyukasl” – 4:1
Marsial, 24, 51, Qrinvud, 36, Reşford, 41 – Lonqstaff, 17
“Lester” – “Liverpul” – 0:4
Firmino, 31, 74, Milner, 71 (pen.), Aleksander-Arnold, 78