Finss.az- University of New Hampshire alimləri süni intellektdən istifadə edərək elektrik nəqliyyat vasitələrində nadir torpaq elementlərinə ehtiyacı azaldacaq yüksək temperatur maqnit materiallarını kəşf ediblər.

Tədqiqatçılar 67 573 maqnit birləşməsini əhatə edən axtarışa açıq “Northeast Materials Database” bazasını yaradıb. Onlardan 25-i yüksək temperaturlarda maqnit xüsusiyyətlərini qoruyur və əvvəllər tanınmamışdı. Bu nailiyyət ucuz, nadir torpaq elementi istifadə etməyən texnologiyaların inkişafına və elektrik avtomobillərinin istehsal xərclərinin azalmasına yol açır.

Layihə çərçivəsində süni intellekt elmi məqalələri oxuyaraq təcrübə məlumatlarını çıxarıb və kompüter modelləri vasitəsilə materialların maqnit olub-olmamasını və maqnitliyini itirdiyi temperaturu hesablayıb. Nəticələr mərkəzləşdirilmiş və axtarışa uyğun verilənlər bazasında toplandı.

Alimlər bildirirlər ki, bu üsul mövcud maqnit birləşmələrini sürətli kəşf etməyə imkan verir və laboratoriya xərclərini əhəmiyyətli dərəcədə azaldır. Layihənin məqsədi davamlı, ucuz alternativ maqnit materiallarını tapmaq və nadir torpaq elementlərinə asılılığı azaltmaqdır.

Tədqiqat U.S. Department of Energy-nin Material Elmləri və Mühəndisliyi bölməsi tərəfindən dəstəklənib və nəticələr Nature Communications jurnalında dərc olunub.