Bu gün Azərbaycanın görkəmli alimi, professor Şirməmməd Hüseynovun anadan olmasının 100 illiyi tamam olur. Bu münasibətlə Cəfər Cabbarlı adına Respublika Gənclər Kitabxanası, alimin həyat və fəaliyyətinə həsr edilmiş elektron məlumat bazası hazırlayıb.

Finss.az xəbər verir ki, kitabxananın rəsmi saytında yerləşdirilən elektron bazada Şirməmməd Hüseynovun “Şərəf” ordeni ilə təltif edilməsi haqqında Azərbaycan Respublikası Prezidentinin Sərəncamı, onun layiq görüldüyü orden və mükafatlar, akademik Rəfael Hüseynovun “Millət yaddaşının keşikçisi” və professor Asif Rüstəmlinin “Cümhuriyyət adamı” kimi məqalələrinin tam mətni, görkəmli şəxslərin onun haqqında söylədikləri dəyərli fikirlər yer alır.

Bundan əlavə, elektron bazada alimin müəllifi və redaktoru olduğu kitablar, məqalələr, xatirəsinin əbədiləşdirilməsi məqsədilə hazırlanan məlumatlar, virtual kitab sərgisi, video və foto qalereyası da təqdim edilir.