Fins.az Bloomberg-ə istinadən xəbər verir ki, Şahenk tikintisi üçün 1,02 milyard avro (1,1 milyard dollar) kredit götürdüyü Qalataportun mümkün satışından əldə olunan gəliri krediti bağlamaq üçün istifadə etməyi planlaşdırır.

Danışıqların ilkin mərhələdə olduğunu bildirən mənbələr danışıqların razılaşma ilə nəticələnə bilməyəcəyinə də işarə ediblər.

Doğuş Holdinq və Bilgili Holdinq tərəfindən inşa edilən 1,7 milyard dollarlıq kruiz limanı layihəsi olan Qalataport, bir sıra təxirə salınmadan sonra 2021-ci ildə açıldı. Limanın hər il orta hesabla 25 milyon ziyarətçi və 1,5 milyon sərnişin qəbul etməsi hədəflənmişdi.

Doğuş, Bilgili və Qətər İnvestisiya Təşkilatı məsələ ilə bağlı Bloomberg-ə şərh verməyib.

Şahenk Zəmanət Bankındakı səhmlərini təxminən 5 milyard dollara İspan BBVA-ya satdıqdan sonra diqqətini otel, marina və restoran investisiyalarına yönəltdi.

Banklarla restrukturizasiya müqavilələri bağlayan Doğuş Holdinq son illərdə nağd pul mövqeyini artırmaq istəyib. Doğuş İstinye Parkdakı 30 faizlik payını 2020-ci ildə Qətər sərvət fonduna satıb.

Günel Məlikzadə
​Fins.az