Qırğız Respublikası Prezidentinin Batken vilayəti üzrə səlahiyyətli nümayəndəsinin ofisi Batken vilayətinin Leylek rayonunun Razzakov (keçmiş İsfana) şəhəri yaxınlığında dağ-xizək kurortunun yaradılmasını nəzərdə tutan investisiya layihəsini təqdim edir.

Fins.az xəbər verir ki, sahə dəniz səviyyəsindən 2400 m yüksəklikdə yerləşir və xizək kurortunun yaradılmasının ilk mərhələsində sadə səviyyəli (yaşıl yamac) xizək enişinin dizaynı üçün mümkün olan düz əraziyə malikdir. İkinci mərhələdə mavi səviyyəli xizək enişinin salınması planlaşdırılır. Xizək enişlərinin ümumi uzunluğu 2,8 km-ə qədərdir.

Rəqabət üstünlüyü həm Batken vilayətində, həm də bütövlükdə respublikanın cənub hissəsində birbaşa rəqabətin olmamasıdır.

Layihənin icraçısı Qırğız Respublikası Prezidentinin ölkənin regionları üzrə nümayəndəliyinin icra orqanlarından biri olan Qırğız Respublikası Prezidentinin Batken vilayəti üzrə səlahiyyətli nümayəndəsinin Aparatıdır. Qırğız Respublikası Prezidentinin Batken vilayəti üzrə Səlahiyyətli Nümayəndəsinin Aparatı Qırğız Respublikası Prezidentinin Administrasiyasının struktur bölməsidir.

Rəsmilər layihənin reallaşacağı təqdirdə, investisiyanın geri ödəmə müddətinin 6 ilə yaxın olacağını bildiriblər.

• Layihənin dəyəri - 1.700.000 ABŞ dolları
• Kanat yolları – 950 000 dollar
• İnfrastruktur obyektlərinin tikintisi - 400.000 dollar
• Yol infrastrukturu - 200 000 dollar
• Nəqliyyat - 150 000 dollar
• İnvestisiya məbləği - 1.700.000 ABŞ dolları

Əlaqələndirici şəxs: +994 55 546 98 30

Zəminə Hüseyn
Fins.az