İşğaldan azad edilmiş Suqovuşan, Füzuli, Ağdam, Şuşa, Cəbrayıl və Zəngilanda ümumtəhsil müəssisələrinin inşası nəzərdə tutulub.

Təhsil Nazirliyindən verilən məlumata görə, hazırda Şuşa və Ağdam şəhərlərində 960 şagird yerlik məktəblərin tikintisi davam etdirilir. Eyni zamanda, Zəngilan rayonunun Ağalı kəndində “Ağıllı kənd” layihəsi çərçivəsində 288 şagird yerlik tam orta məktəb inşa olunur.

Cəbrayıl və Füzulidə 960 şagird yerlik tam orta məktəbin tikintisinin, Suqovuşan qəsəbəsində isə 144 şagird yerlik məktəbin əsaslı təmirinin layihə-smeta sənədləri hazırlanır.