KOICA, “Azərbaycan Respublikası Təhsil Nazirliyi üçün Müəllimlərin Bacarıqlarının Artırılması və Təhsil İnformasiya Sisteminin yaradılması üçün Texniki Yardım (Qrant) Layihəsi” adlı Layihə çərçivəsində Təhsil Nazirliyinə Məlumat Mərkəzi avadanlıqları və materialları hədiyyə edib.

Fins.az  xəbər verir ki,avadanlıqlar Təhsil üçün İKT üzrə Büroya 2020-ci ilin avqust ayında təhvil verilib və avadanlıqlar Büroda Məlumat Mərkəzi qurmaq üçün istifadə olunmalıdır.

Qeyd olunur ki, bu Məlumat Mərkəzi Azərbaycanda təhsilin informasiyalaşdırılmasına töhfə verəcəkdir. Yerli mühit üçün optimallaşdırılmış texniki dəstək sisteminin yaradılması məqsədi ilə avadanlıqların istifadəsi üzrə təlimlər 11 yanvar - 22 yanvar 2021-ci il tarixlərində onlayn formatda həyata keçirilmişdir.

Bu ianə COVID-19 Pandemiyası nəticəsində elektron təhsil qaçılmaz hala gəldikdə, hökumətin onlayn məsafədən təhsil vermək səylərini sürətləndirmək üçün son dərəcə vacib və faydalıdır. Beləliklə, Layihə daha effektiv onlayn təhsil təmin etmək və Nazirlərin post-COVID-19 dövründə də tədris edilərkən tətbiq oluna biləcək müəllimlərin İKT bacarıqlarını artırmaq üzrə potensialını artırmağa kömək edəcəkdir.

Layihənin Protokolu 2017-ci ildə Azərbaycan Hökumətləri ilə Koreya Hökuməti arasında imzalanmışdır. İndiyə qədər Layihə Baş Planı hazırlanmış, bir sorğu və Elektron Tədris Sistemi başa çatdırılmış və öyrənmə məzmunu deposu sisteminin yaradılması ilə bağlı gələcək fəaliyyətlər , e-learning portalının veb səhifəsi və e-learning məzmunu davam edir.