Təhsil Nazirliyi məktəbəhazırlıq qruplarına məcburi köçkün uşaqlarının qəbulu qaydasını açıqlayıb.

Nazirlikdən  verilən məlumata görə, işğal altında olan rayon məktəblərini seçən zaman yaşayış ünvanına uyğun rayon (şəhər) təhsil şöbəsini (idarəsini) seçib qeydiyyatdan keçmək lazımdır.

Təhsil Nazirliyi məcburi köçkün ailəsindən olan vətəndaşa dair məlumatların tapılmadığı halda nə etmək lazım olduğuna da aydınlıq gətirib.

Qeyd olunub ki, seçilmiş uşağın məlumatları "Vahid Aylıq Müavinətlə Bağlı Elektron İnformasiya Sistemi"ndə tapılmırsa, vətəndaş məcburi köçkün vəsiqəsi ilə birlikdə Alternativ Qeydiyyat mərkəzlərinə müraciət etməlidir.