“Vəziyyət tələb edərsə, ola bilsin ki, dərs ili vaxtından əvvəl başlasın”. 

Fins.az xəbər verir ki, bu sözləri Təhsil Nazirinin müavini Məhəbbət Vəliyeva Yeni TV-yə açıqlamasında deyib. 

O bildirib ki, hər il dərslər ənənəvi olraq 15 sentyabr tarixində başlayır:

“Kim deyə bilər ki, sentyabr ayında vəziyyət necə olacaq? Bu sualın cavabını bilən adam dərslərin başlanma vaxtı ilə də bağlı rəy bildirə bilər. Biz başa düşürük ki, proqramda müəyyən geriləmələr var. Hələ ki, dərs ilinin sonuna dair məsələləri həll edirik. Vəziyyət tələb edərsə, ola bilsin ki, dərs ili vaxtından əvvəl başlasın.

Amma bu da yenə Təhsil Nazirliyinin yox, Nazirlər Kabinetinin səlahiyyətində olan məsələdir. Biz yalnız təkliflərimizi verə bilərik”.