Finss.az - Amazon dekabr ayında Amazon Web Services bulud xidmətində ən azı iki qısa fasilə yaşanıb. Səbəb kimi şirkətin öz süni intellekt alətləri ilə bağlı səhvlər göstərilib, xəbər verir Financial Times.

Məlumata görə, dekabrın ortasında mühəndislər Kiro AI kodlaşdırma alətinə müəyyən dəyişikliklər etməyə icazə verərkən sistem 13 saatlıq fasilə yaşayıb. Alət müstəqil hərəkətlər edə bildiyi üçün “mühiti silib yenidən yaratmaq” qərarı verib.

AWS sözçüsü Reuters-ə göndərdiyi məktubda fasilənin qısa olduğunu və səbəbini “istifadəçi səhvi – düzgün tənzimlənməmiş giriş nəzarətləri” ilə izah edib. Sözçü əlavə edib ki, fasilə yalnız Çindəki iki regiondan birindəki tək bir xidməti əhatə edib və hesablama, saxlama, verilənlər bazası, süni intellekt texnologiyaları və digər AWS xidmətlərinə təsir etməyib.

Qeyd edək ki, oktyabrda Amazon-un bulud xidmətində baş verən böyük fasilə qlobal pozuntulara səbəb olmuş, Reddit, Roblox və Snapchat kimi tətbiqlərin fəaliyyətini də təsir etmişdi.