Finss.az xəbər verir ki, Amerika texnologiya nəhəngi Amazon.com Inc. təxminən 16.000 iş yerini ixtisar edəcək.

Amazon-un insan təcrübəsi və texnologiya üzrə baş vitse-prezidenti Bet Qaletti qeyd edib: “Bəziləriniz bunun hər neçə aydan bir böyük ixtisarlar elan etdiyimiz yeni bir modelin başlanğıcı olub-olmadığını düşünə bilərsiniz. Bizim belə bir planımız yoxdur.”

Qeyd edək ki, keçən ilin oktyabr ayında şirkət 14.000 ağ yaxalı vəzifəni ixtisar etmişdi. Baş direktor Endi Cessi əməliyyat səviyyələrini və menecerlərin sayını azaltmaqla lazımsız bürokratiyanın aradan qaldırılmasının vacibliyini vurğulamışdı.

Ekspertlər bildirirlər ki, Amazon-un işçi ixtisarları texnologiya sektorunda optimallaşdırma və xərclərin azaldılması strategiyasının bir hissəsi kimi qiymətləndirilir. Bu addımlar həm də şirkətin rəqabət qabiliyyətini və əməliyyat səmərəliliyini artırmaq məqsədi daşıyır.