Finss.az xəbər verir ki, Conference Board tədqiqat təşkilatının hesabatına əsasən, ABŞ istehlakçı inamı indeksi yanvar ayında 84,5 səviyyəsinə enib. Bu göstərici bazar gözləntilərindən xeyli aşağı olub.

Yenidən işlənmiş məlumatlara görə, dekabr ayı göstəricisi əvvəllər açıqlanan 89,1-dən 94,2-yə yüksəldilib. Halbuki Trading Economics-in məlumatına əsasən, analitiklər yanvar ayı üçün orta hesabla 90,9 səviyyəsində göstərici gözləyirdilər.

Hesabatda qeyd olunur ki, ABŞ istehlakçılarının mövcud iqtisadi vəziyyətə münasibətini əks etdirən alt indeks yanvar ayında 9,9 bal azalaraq təxminən beş ilin minimumu olan 113,7-yə düşüb.

Eyni zamanda, istehlakçı gözləntiləri göstəricisi 9,5 bal azalaraq 65,1 səviyyəsinə enib ki, bu da 2025-ci ilin aprel ayından bəri ən aşağı göstəricidir. Qeyd edilir ki, 80-dən aşağı olan göstəricilər tez-tez növbəti il ərzində iqtisadi tənəzzülün başlanmasına işarə edir.

Bu göstəricilər ABŞ iqtisadiyyatında risklərin artdığını və istehlakçıların gələcəyə dair ehtiyatlı mövqe tutduğunu göstərir.