Finss.az xəbər verir ki, materik Çin iqtisadiyyatına 2025-ci ildə birbaşa xarici investisiyaların (XBİ) həcmi 9,5% azalaraq 747,69 milyard yuana (106,9 milyard dollar) düşüb. Bu barədə Sinxua məlumat yayıb.

Sektor üzrə baxıldıqda, istehsal sektoru 185,51 milyard yuan, xidmət sektoru isə 545,12 milyard yuan cəlb edib.

Xarici ölkələrdən gələn investisiyalarda artım fərqlənir: İsveçrə investisiyaları 66,8%, BƏƏ 27,3%, Böyük Britaniya 15,9% artıb.

2025-ci ildə ölkədə xarici kapital iştirakı ilə 70 392 yeni müəssisə qeydiyyata alınıb ki, bu da 2024-cü ilə nisbətən 19,1% çoxdur. Qeyd edək ki, 2024-cü ildə XBİ 27,1% azalmış və bu, 2008-ci ildən bəri ən böyük düşüş hesab olunub.

Analitiklər bildirirlər ki, 2025-ci ildə investisiya həcminin azalması qlobal iqtisadi qeyri-müəyyənliklər və ticarət gərginlikləri ilə bağlıdır, lakin yeni müəssisələrin qeydiyyatı investisiya mühitinin hələ də aktiv olduğunu göstərir.