Finss.az - “Xəzər Boru Kəməri Konsorsiumu”nun (KTM) dəniz terminalında 3 saylı çıxarılan yanalma qurğusu (VPU-3) istismara verilib. Qazaxıstanın Energetika Nazirliyinin rəsmi nümayəndəsi Asel Serikpayevanın bildirdiyinə görə, bu addım Qazaxıstan neftinin ixracı üzrə təsdiqlənmiş nəql qrafiklərinin icrasını təmin edir.

Hazırda KTM-in Qara dənizdə yerləşən dəniz terminalında neft yüklənməsi VPU-1 və VPU-3 vasitəsilə normal rejimdə həyata keçirilir. Qeyd edək ki, VPU-3-də təmir işləri 2025-ci ilin noyabrından aparılıb və qurğunun fəaliyyəti pilotsuz vasitələrin hücumu və əlverişsiz hava şəraiti səbəbindən müvəqqəti dayandırılmışdı.