Finss.az - ABŞ Kənd Təsərrüfatı Nazirliyi (USDA) yanvar ayı üzrə açıqladığı son hesabatında 2025/26-cı il məhsul ilinə dair Rusiya buğda ixracı proqnozunu dəyişməz saxlayıb. Hesabata əsasən, 1 iyul 2025-ci ildən başlayacaq mövsümdə Rusiyanın buğda ixracı noyabr və dekabr aylarında olduğu kimi 44 milyon ton səviyyəsində qiymətləndirilir.

USDA eyni zamanda Rusiyada buğda istehsalı ilə bağlı proqnozunu artırıb. Belə ki, buğda məhsulu üzrə gözləntilər 2 milyon ton yüksəldilərək 89,5 milyon tona çatdırılıb. Bu artım ölkənin qlobal taxıl bazarındakı mövqeyini daha da möhkəmləndirir.

Rusiya buğda bazarında liderliyini qoruduğu bir vaxtda, onun ən yaxın rəqibi olan Avropa Birliyi üçün ixrac proqnozları aşağı yönlü yenilənib. USDA-nın məlumatına görə, AB-nin buğda ixracı üzrə dekabr ayı üçün 33 milyon ton olan proqnoz 32,5 milyon tona endirilib.

Mütəxəssislər hesab edirlər ki, bu dəyişikliklər qlobal buğda ticarətinə və qiymətlərə birbaşa təsir göstərə bilər.