Finss.az xəbər verir ki, Braziliyanın dövlətə məxsus neft, qaz və neft-kimya şirkəti Petróleo Brasiliero SA (Petrobras) işçilərinin tətili ikinci gündür davam edir.

FUP həmkarlar ittifaqının məlumatına görə, tətil 24 neft platformasına, səkkiz neft emalı zavoduna, doqquz nəqliyyat vahidinə, üç istilik elektrik stansiyasına, iki biodizel zavoduna və materikdə yerləşən beş neft yatağına təsir göstərir.

Petrobras isə açıqlamasında bildirib ki, tətil hələlik istehsal həcmlərinə təsir göstərməyib.

Xatırladaq ki, may ayında FUP həmkarlar ittifaqı iki günlük tətil keçirməyi planlaşdırmışdı. Lakin Petrobras əmək haqqı və iş şəraiti ilə bağlı yeni razılaşma təklifi təqdim etdikdən sonra tətil müvəqqəti dayandırılmışdı.

Analitiklər qeyd edir ki, işçi tətilinin davam etməsi Braziliya enerji bazarında qısa müddətli volatilliyə səbəb ola bilər, lakin hazırda istehsal dayanmır və şirkət fəaliyyətini normal şəkildə davam etdirir.