Finss.az xəbər verir ki, ABŞ Enerji Departamentinin Enerji İnformasiya Administrasiyasının (EIA) hesabatına görə, qlobal maye karbohidrogen istehsalı 2025-ci ildə gündə 3,01 milyon barel (bpd) artaraq 106,18 milyon barelə çatacaq.

Bir ay əvvəl agentlik qlobal təklif artımını gündə 2,81 milyon barel proqnozlaşdırmışdı. Bu proqnoz gündə 200.000 barel artırılıb.

EIA qlobal maye karbohidrogen istehsalı üçün 2024-cü ildə proqnozunu gündə 103,17 milyon barel olaraq saxlayaraq, onu 2025-ci ildə gündə 105,98 milyon bareldən 106,18 milyon barelə, 2026-cı ildə isə gündə 107,37 milyon bareldən 107,43 milyon barelə çatdırıb.

Beləliklə, Amerika analitiklərinin fikrincə, gələn il qlobal neft tədarükünün artımı bu ilə nisbətən daha məhdud olacaq və 1,25 milyon barel/gün təşkil edəcək (noyabr ayı üçün proqnoz - 1,39 milyon barel/gün).