Finss.az - ABŞ və Yaponiya arasında yeni iqtisadi razılaşma əldə olunub.

ABŞ prezidenti Donald Tramp sosial şəbəkədə yaydığı açıqlamada, Yaponiya ilə böyük iqtisadi razılaşma bağladıqlarını bildirib. Trampın sözlərinə görə, Yaponiya onun göstərişi ilə ABŞ iqtisadiyyatına 550 milyard dollar sərmayə yatıracaq və bu investisiyadan əldə olunan mənfəətin 90%-i ABŞ-a çatacaq.

ABŞ-dan Yaponiyaya kənd təsərrüfatı və avtomobil ixracı genişlənəcək

Tramp həmçinin qeyd edib ki, yeni razılaşma çərçivəsində ABŞ Yaponiyaya avtomobillər, düyü və digər kənd təsərrüfatı məhsullarının ixracına başlayacaq. Bu addım iki ölkə arasında ticarət balansının ABŞ xeyrinə dəyişməsinə yönəlib.

Tokio ABŞ-a idxal üçün 15% gömrük rüsumu ödəyəcək

Razılaşmaya əsasən, Yaponiya ABŞ-a ixrac etdiyi mallara görə 15% gömrük rüsumu ödəyəcək. Bu isə ABŞ hökumətinə əlavə gəlir qazandıracağı gözlənilir.

Yaponiya tərəfi razılaşmanı təsdiqlədi

Yaponiya baş nazirinin administrasiyasının yüksək rütbəli nümayəndəsi NHK telekanalına açıqlamasında, prezident Trampın paylaşdığı məlumatların doğru olduğunu və Tokio tərəfindən müsbət qarşılandığını bildirib. O, razılaşmanın Yaponiya iqtisadiyyatının bərpası naziri Ryoşey Akadzavanın apardığı intensiv danışıqlar nəticəsində əldə edildiyini vurğulayıb.

Xatırlatma: Tramp daha əvvəl 2025-ci il avqustun 1-dən etibarən Yaponiyadan idxal olunan bütün məhsullara 25%-lik tarif tətbiq edəcəyini açıqlamışdı.