Finss.az - 2025-ci ildə Rusiya kömür bazarında əsas növlərin qiymətləri zəif tələbat, təklif artımı və yüksək logistika xərcləri səbəbindən əhəmiyyətli dərəcədə azalacaq.

Kept şirkətinin proqnozlarına əsasən, Kuzbass bazasından energetik kömürün ton qiyməti pessimist ssenaridə 28 ABŞ dollarına qədər düşə bilər ki, bu da 2024-cü ilə nisbətən 22% azalma deməkdir. Kokslanan kömürün qiyməti isə 113,5 dollar səviyyəsində gözlənilir, bu da 21% ucuzlaşmanı göstərir.

Dünya bazarında Avstraliya energetik kömürünün FOB Nyukasl qiyməti orta hesabla 21% ucuzlaşaraq 108 dollar/tona enəcək, azalma pik nöqtəsində isə 103 dollar səviyyəsinə düşəcək. Qiymətlərin artımı isə onilliyin sonuna qədər məhdud qalacaq, 2029-cu ilə kimi qiymətlər 2024-cü ilin səviyyəsindən təxminən 14% aşağıda olacaq.

Kömürə olan tələbatı aşağı salan amillər arasında anomal isti qış, bərpa olunan enerji mənbələrinin genişlənməsi və Çində tikinti sektorunun zəifləməsi yer alır. Çində polad istehsalının 1,5% azalması da kömür bazarına mənfi təsir göstərir. Kokslanan kömürün qiyməti isə 2025-ci ildə orta hesabla 20,5% ucuzlaşaraq 190 dollar/tona düşəcək, ilin son rübündə isə 200 dollar səviyyəsinə bərpa olunması gözlənilir.

Qiymətlərin düşməsi və yüksək istehsal xərcləri Rusiyanın kömür ixracını az mənfəətli vəziyyətə gətirib. 2025-ci ilin birinci rübündə energetik kömür ixracı zərərlə başa çatıb, kokslanan kömürün ixracının mənfəətliyi isə çox aşağı səviyyədədir. Bu problemi daha da dərinləşdirən faktorlar arasında RJD tariflərinin artımı, boşaltma və vaqon icarəsi xərcləri, həmçinin rublun möhkəmlənməsi və Çin rüsumları qeyd olunur.

Rusiya hökuməti sənayeni dəstəkləmək üçün subsidiyalar və vergi güzəştləri tətbiq edib. Lakin analitiklər vurğulayır ki, real dəstək xarici tələbdən, xüsusilə Çində və Hindistanda asılıdır. Hazırda isə bu bazarların genişlənməsi məhdud görünür.