Finss.az - 2025-ci ilin əvvəlində Rusiyanın ümumi xarici borcu $290 milyard dollara düşüb, bu isə 2006-cı ildən bəri ən aşağı göstəricidir.

Rusiyanın Mərkəzi Bankının açıqladığı məlumatlara görə, yalnız 2024-cü ilin sonuncu rübündə xarici borc təxminən 10% azalıb, bu da $19 milyardlıq bir azalma deməkdir.

Borcun strukturu isə müxtəlif sahələrə ayrılır. Bu göstəricinin $19 milyardı dövlət orqanlarına, $95,5 milyardı Mərkəzi Bank və banklara, qalan $175,5 milyard isə digər iqtisadi sektorlara, o cümlədən özəl şirkətlərə aiddir.

Bu azalma, beynəlxalq bazarlara çıxışa qoyulmuş sanksiyalarla əlaqələndirilir. Prezident Akademiyasının eksperti Vladimir Yeryomkinin sözlərinə görə, sanksiyalar Rusiyanın beynəlxalq maliyyə bazarlarına çıxışını məhdudlaşdırıb. Bununla yanaşı, rublla ödənişlərə keçid və borcların mütəmadi qaytarılması da borcun azalmasına təsir göstərib. 2024-cü ildə Rusiyanın Maliyyə Nazirliyi xarici öhdəliklər üzrə $2,1 milyard ödəməyi planlaşdırır.

Ekspertlər, Rusiyanın xarici borcunun ÜDM-nin təxminən 9%-ni təşkil etdiyini bildirirlər ki, bu da Dünya Bankı və Beynəlxalq Valyuta Fondunun qiymətləndirmələrinə əsasən təhlükəsiz səviyyədən (30%) xeyli aşağıdır. Bu isə Rusiyanın valyuta risklərini azaltmaqda və maliyyə dayanıqlılığını təmin etməkdə mühüm rol oynayır.