İtaliyanın ən böyük bankı Intesa Sanpaolo, Rusiyadakı öz törəməsi olan Intesa istisna olmaqla, bütün Rusiya banklarından avro ilə ödənişləri qəbul etməyi dayandıracaq.
Intesa-nın müştəriləri və qarşı tərəfləri müvafiq bildiriş aldılar/

Finss.az xəbər verir ki, bu barədə “Vedomosti”yə Rusiyanın iki kredit təşkilatındakı mənbələr məlumat verib. Həmçinin, 2025-ci il yanvarın 15-dən Intesa Sanpaolo törəmə bankının müxbir hesabı üçün xidmət şərtlərini dəyişəcək.

Xüsusilə, avro ilə ödənişlər yalnız Intesa-nın özündə, onun törəmə şirkətlərində və İtaliyada yerləşən banklarındakı hesablar üzrə kommersiya məqsədləri üçün əlçatan olacaq.
“Biz sizdən xahiş edirik ki, ödənişləri planlaşdırarkən bu məlumatları nəzərə alasınız və ödənişdən imtina risklərini əvvəlcədən qiymətləndirəsiniz”, - deyə bankın açıqlamasında bildirilir.
O2 Consulting hüquq firmasının idarəedici partnyoru Olqa Sorokina deyir ki, Intesa-nın qərarı, ilk növbədə, bankın yerli törəmə müəssisəsini İtaliyadan kənardakı kontragentlərlə avro ilə hesablaşmalar üçün istifadə edən Rusiya korporativ müştərilərinə təsir edəcək.

Onun sözlərinə görə, bunlar ilk növbədə ixracatçı və idxalçılar, xidmət və sənaye sektorundan olan şirkətlərdir. Bununla belə, son bir neçə il ərzində Intesa müxbir hesabları üzrə əməliyyatların həcmini on dəfə azaldıb və ilk növbədə İtaliyada iş aparan şirkətlərlə və ya italyan tərəfdaşlarla işləməyə diqqət yetirib, Sorokina əlavə edib.

Kaira Agayeva 

Finss.az