Hindistan və Yaponiya startapları Yerin orbitində kosmik tullantıları məhv etmək üçün süni peyklərin lazer sistemləri ilə təchiz edilməsi imkanlarını araşdırırlar.

Finss.az xəbər verir ki, Hindistanın “InspeCity” robototexnika şirkəti və Yaponiyanın “Orbital Lasers” şirkətləri zibil qalıqlarının səthindəki kiçik sahələri buxarlamaq üçün lazerlərdən istifadə etməyi planlaşdırır.

Bu, onların fırlanmasını dayandıracaq və sonrakı çıxarılması üçün təhlükəsiz yanaşma təmin edəcək. İlk məhsulların satışa çıxarılması 2027-ci ildən sonra gözlənilir. Bundan əlavə, Hindistan və Yaponiya Ay missiyası LUPEX (Lunar Polar Exploration Mission) üzərində fəal əməkdaşlıq edirlər. Əvvəllər 2017-ci ildə razılaşdırılan layihə Ayın cənub qütbünün tədqiqinə yönəlib. 2023-cü ilin avqustunda Hindistan aparatının uğurlu enişi fonunda Yaponiya hökuməti LUPEX proqramı çərçivəsində Hindistanla əməkdaşlığı intensivləşdirməyə hazır olduğunu bildirib. Missiyanın işə salınmasının 2025-2026-cı illərdə baş tuta biləcəyi gözlənilir.

Hindistan və Yaponiya arasında kosmik texnologiya sahəsində əməkdaşlıq hər iki ölkənin kosmos tullantıları və Ayın tədqiqi ilə mübarizədə innovasiyalara sadiqliyini təsdiqləyir.

Kaira Agayeva 

Finss.az