ABŞ-ın yeni seçilmiş prezidenti Donald Tramp Florida ştatının qubernatoru Ron DeSantisi Florida ştatından boşalmış senator kürsüsünə gəlini Lara Trampın namizədliyini irəli sürməyə çağırır.

Hazırkı senator Marko Rubionun dövlət katibi kimi təsdiq olunacağı təqdirdə senatorun yeri boş qalacaq. Rubionun varisini seçəcək qubernator DeSantis daha əvvəl yanvarın əvvəlinə qədər qərar verəcəyini bildirmişdi. Senatorlar Rik Skott, Lindsi Qrem və Keti Britt və Florida ştatından olan konqresmen Anna Paulina Luna da daxil olmaqla, bir neçə yüksək vəzifəli respublikaçı onun namizədliyini dəstəklədikdən sonra Lara Trampın namizədliyi ilə bağlı spekulyasiyalar güclənib. Yeni seçilmiş prezident Erik Trampın oğlunun həyat yoldaşı Lara Tramp əvvəllər 2024-cü il kampaniyası zamanı Respublikaçılar Milli Komitəsinin həmsədri vəzifəsində çalışıb.

Bu müzakirələr fonunda Lara Tramp bu vəzifədə qarşısına qoyduğu üç əsas məqsədi uğurla yerinə yetirdiyini qeyd edərək, təşkilatın növbəti iclasında Milli Komitədəki vəzifəsini tərk edəcəyini açıqlayıb.Rubio dövlət katibi olarsa, onun Senatdakı varisi 2026-cı il seçkilərinə qədər çalışacaq.

Kaira Agayeva 

Finss.az