Qeyri-adi yüklə bağlı insident Azor adalarında Ponta Delqada hava limanında təyyarənin işini iflic edib. Qəfəslərdən qaçan gəmiricilər uçuş cədvəlini pozaraq yerli medianın diqqətini çəkib.

Finss.az xəbər verir ki, pet mağazası üçün 132 hamster gətirən təyyarə noyabrın 12-də Lissabondan gəlib. Yoxlama zamanı hava limanının əməkdaşları zədələnmiş qəfəsləri aşkarlayıb və gəmiricilərin baqaj bölməsində sərbəst gəzdiyini müşahidə ediblər. Portuqaliyanın "Correio da Manha" qəzetinin verdiyi məlumata görə, qaçanlardan bəziləri tutuldu, lakin 16 heyvan hələ də azadlıqdadır.

“Kürklü sərnişinlərin” tutulması əməliyyatı davam edir, lakin onların mövcudluğu təyyarənin mühüm hissələrinə zərər verə bilər və onun Lissabona qayıtmasını qeyri-mümkün edir. Uçuş şübhə altındadır və mühəndislər qrupu kabellərin və avadanlıqların zədələnmə riskini aradan qaldırmaq üçün əlavə yoxlamalar aparır.

Kaira Agayeva 

Finss.az