Finss.az xəbər verir ki, ABŞ prezidenti Co Bayden Milton qasırğası və Helena qasırğasından zərər çəkmiş ərazilərdə xilasetmə işlərinə 612 milyon dollar vəsait ayrılacağını açıqlayıb. Vəsait enerji təchizatının bərpasına və enerji sisteminin dayanıqlığının artırılmasına yönəldiləcək.

Floridada cənab Bayden bildirib ki, “Bu maliyyə təkcə enerjini bərpa etməyəcək, həm də bölgənin şəbəkəsini daha möhkəm və səmərəli edəcək, ekstremal hava hadisələrinin daha çox yayıldığı bir vaxtda elektrik kəsilməsinin tezliyini və müddətini azaldacaq” Bloomberg).

Prezidentdən sonra çıxış edən energetika naziri Cennifer Qranholm Milton və Helenin təsirinə məruz qalan Floridada zədələnmiş elektrik şəbəkələrinin təxminən 75%-nin bərpa olunduğunu bildirib. İşlərin oktyabrın 15-də başa çatdırılması nəzərdə tutulub.

Milton son həftələrdə Helendən sonra Floridanı vuran ikinci qasırğadır. Co Baydenin bildirdiyinə görə, təkcə Miltonun vurduğu ziyan 50 milyard dollar qiymətləndirilir. Müxtəlif mənbələrə görə, 14-17 nəfər təbii fəlakətin qurbanı olub, ən azı 125 ev dağılıb. Oktyabrın 10-da 3 milyondan çox insan işıqsız qalıb.

Kaira Agayeva 

Finss.az