Finss.az xəbər verir ki, İsrailin Baş Təhlükəsizlik Qüvvələri (Şin Bet) və Gidonim 33 xüsusi təyinatlı polis bölməsinin üzvləri Təl-Əvivdə Azrieli ticarət mərkəzində baş vermiş böyük terror aktının qarşısını alıb və İŞİD-ə cəlb edilmiş 5 şübhəlini saxlayıb.

“Mərkəzi Dairə polisi, Gidonim 33 xüsusi təyinatlı qüvvələrinin döyüşçüləri və Şin Bet qüvvələri Təl-Əvivdə Azrieli ticarət mərkəzində İŞİD-lə əlaqəli terror təşkilatı yaradan beş Taibe sakini tərəfindən planlaşdırılan böyük terror aktının qarşısını alıblar”. hesabatda deyilir.

Qeyd olunur ki, İsrail vətəndaşları partlayıcı ilə doldurulmuş avtomobildən istifadə edərək terror aktı planlaşdırırdılar. Onların silahları müsadirə edilib. Saxlanılanlardan ikisinin İslam Dövlətinin ideologiyasına sadiq qalaraq döyüş bölgəsinə getməyi, həmçinin terrorçuların xarici nümayəndələri ilə əlaqə saxlamağı planlaşdırdığı qeyd edilir.

İstintaq zamanı məlum olub ki, qrup üzvləri Suriyada terror aktları ilə bağlı videolara baxıb və ticarət mərkəzinin yerləşdiyi qüllələri partlatmaq üçün lazım olan partlayıcı maddələrin miqdarını müzakirə ediblər.

Kaira Agayeva 

Finss.az