Bundestaq Kiyevə dəstək üçün 400 milyon avro ayrılmasını təsdiqləyib.

Finss.az xəbər verir ki, Almaniya Müdafiə Nazirliyinin Kiyevə yardımın əlaqələndirilməsi üzrə işçi qrupunun rəhbəri, general-mayor Kristian Freydinq bu barədə RND redaksiya birliyinə müsahibəsində deyib.

“Biz 2024-cü ildə Kiyevə əlavə olaraq 400 milyon avro yardımın ayrılması üçün Bundestaqın razılığını aldıq. Bu, bizə ümumi dəyəri 1,4 milyard avro olan 50 layihəni həyata keçirməyə imkan verəcək”, - deyə Kristian Freydinq bildirib.

O, eyni zamanda ABŞ hakimiyyətinin Ukraynaya yardım üçün əlavə 8 milyard avro ayıracağı barədə vədini xatırladaraq bunun yorğunluq deyil, daha çox qətiyyət əlaməti olduğunu vurğulayıb.

Qeyd edək ki, sentyabrın 19-da DPA agentliyi Maliyyə Nazirliyinin Bundestaqın Büdcə Komitəsinə ünvanladığı məktuba istinadla Almaniya hökumətinin Kiyevə hərbi yardım göstərmək üçün yaxın vaxtlarda əlavə olaraq 397 milyon avro ayırmaq niyyətində olduğunu yazmışdı.

Almaniya ABŞ-dan sonra Ukrayna üçün ikinci ən böyük silah tədarükçüsüdür.

Kaira Agayeva 
Finss.az