Brüssel Pekinin idxal olunan Çin istehsalı olan elektrik avtomobillərinin satışı üçün minimum 30 min avro qiymət təyin etmək təklifini rədd edib.

Finss.az xəbər verir ki, Avropa Komissiyası belə bir kompromislə kifayətlənməyib, çünki bu, Çin hökumətinin bu sənayeyə verdiyi subsidiyaların yaratdığı bazar təhrifləri problemini həll etmir.

Avropa tərəfi danışıqların davam etdiyi üçün digər qiymət öhdəlikləri, o cümlədən minimum qiymətlər və idxal kvotaları ilə bağlı yenidən danışıqlara hazır olduğunu bildirib. Mənbələrə görə, bir həll ölçüsü və model diapazonundan asılı olaraq hər bir avtomobil istehsalçısı və hər bir elektrik avtomobil növü üçün fərdi hesablanmış minimum qiymət ola bilər.

Danışıqların digər təfərrüatları barədə məlumat verilmir.

Yada salaq ki, oktyabrın 4-də Aİ ölkələri Avropa Komissiyasının Çinin elektromobillərinə daimi idxal rüsumlarının tətbiqi ilə bağlı qərarını dəstəkləyib, onların tavanını 35% səviyyəsində müəyyən ediblər. Avropa Komissiyası iyulun 4-də Çinin elektrik avtomobillərinə qarşı müvəqqəti rüsumlar tətbiq edib, onların müddəti avqustda uzadılıb. Çin dərhal bu qərarı proteksionizm aktı kimi qiymətləndirdi.

Kaira Agayeva 

Finss.az