Finss.az xəbər verir ki, BRİKS-ə üzv dövlətlərin ümumi vergi orqanı - vergi administrasiyalarının katibliyi ola bilər. Bu perspektiv 2025-ci ildə assosiasiya ölkələrinin fiskal rəhbərliyi tərəfindən müzakirə olunacaq

BRİKS ölkələrinin vergi administrasiyalarının rəhbərləri ümumi daimi vergi orqanının yaradılmasının tərəfdarı olublar. Bu barədə Moskvada Federal Vergi Xidmətinin rəhbəri Daniil Eqorovun sədrliyi ilə assosiasiyanın fiskal orqanları rəhbərlərinin birgə iclasının yekunları üzrə Rusiya Federal Vergi Xidmətinin (FTS) mətbuat xidməti məlumat yayıb.

“Görüş iştirakçıları BRİKS ölkələrinin vergi administrasiyalarının daimi katibliyinin yaradılması imkanını dəstəkləyiblər. Bu perspektiv 2025-ci ildə Braziliyanın BRİKS-ə sədrliyi çərçivəsində müzakirə olunacaq”, - Federal Vergi Xidmətinin mətbuat xidmətindən bildirilib.

RBC müxbiri xəbər verir ki, Hindistan Gəlir Xidmətinin rəhbəri Sanjay Malhotra görüş zamanı qeyd edib ki, katibliyə ehtiyac bir il əvvəl Keyptaunda keçirilən oxşar iclasda artıq müzakirə mövzusuna çevrilmişdi. “Biz həmişə onun yaradılması ideyasını dəstəkləmişik. Hesab edirik ki, bu, əməli iş üçün son dərəcə vacib məqamdır. Rusiya rotasiya edən katibliyin formalaşdırılması üzrə işi gücləndirir - biz buna çox şadıq”.

Kaira Agayeva 

Finss.az